امت نیوز ڈیسک //
سری نگر: جموں وکشمیر کے لیفٹیننٹ گورنر منوج سنہا نے اتوار کے روز قومی یوم آئین کے موقع پر لوگوں کو مبارک باد پیش کی۔ انہوں نے کہا کہ ‘آئیے ہم اس دن تمام شہریوں کے لئے انصاف، آزادی، مساوات اور وقار کی اقدار کو بر قرار رکھنے کے لئے خود کو دوبارہ وقف کریں’۔
موصوف لیفٹیننٹ گورنر نے ‘ایکس’ پر اپنے ایک پوسٹ میں کہا کہ ‘یوم آئین پر تمام لوگوں کو مبارک، آئین کے بانیوں کو خراج تحسین پیش کرتا ہوں جو ہمارا شاندار رہنما اور ہمارے لئے تحریک کا ایک ذریعہ ہے’۔ ان کا پوسٹ میں مزید کہنا تھا کہ ”آئیے ہم اس دن تمام شہریوں کے لئے انصاف، آزادی، مساوات اور وقار کی اقدار کو بر قرار رکھنے کے لئے خود کو دوبارہ وقف کریں’۔
بتادیں کہ آئین کو 26 نومبر 1949 کو تسلیم کیا گیا ملک میں اسی دن کو قومی یوم آئین کے طور پر منایا جاتا ہے اس دن کو قومی یوم آئین ہند کے نام سے بھی یاد کیا جاتا ہے۔ اس دن کی مناسبت سے ملک میں ڈاکٹر امبیڈ کر خیالات اور آئین کی تشہیر کی جاتی ہے اور آئین کی اہمیت کے حوالے سے سمیناروں کا بھی اہتمام کیا جاتا ہے۔
