امت نیوز ڈیسک //
سری نگر: موجودہ چیف سکریٹری ڈاکٹر ارون کمار مہتا کی جگہ مرکز نے سینئر آئی اے ایس افسر اٹل ڈولو کو جموں و کشمیر کا نیا چیف سکریٹری مقرر کیا ہے۔
ایک حکم نامہ جس کی ایک کاپی ایشین میل کے پاس موجود ہے،کے مطابق ڈولو یکم دسمبر سے چیف سیکرٹری کے عہدے کا چارج سنبھالیں گے۔اَٹل ڈولو سنہ 1989 بیچ کے آئی اے ایس افسر ہیں اور مرکزی سرکار نے ان کو گزشتہ برس باڈر منیجمنٹ سیکریٹری کے عہدے پر مرکز میں تعینات کیا تھا، تاہم مزکری وزارت داخلہ نے حالیہ دنوں ایک حکمنامہ جاری کرتے ہوئے کہا کہ مرکزی کابینہ کی تقرری کمیٹی نے اَٹل ڈولو کی جموں کشمیر میں واپس تعیناتی کو منظوری دی ہے۔
اَٹل ڈولو یونین ٹریٹری میں سینیئر ترین آئی اے ایس افسر ہیں، جس کے باعث اُنہیں جموں کشمیر کا اگلا چیف سیکرٹری بن چکے ہیں۔غور طلب بات یہ ہے اَٹل ڈولو وادی کشمیر کے ضلع کولگام کے کلم گاؤں سے تعلق رکھتے ہیں۔تاہم ان کے والد سنہ 1960 میں سرینگر منتقل ہوگئے تھے اور وہ تب سے شہر میں ہی رہائش پذیر ہوئے تھے، بعد ازاں وہ دہلی چلے گئے تھے۔
مرکز میں تعیناتی سے قبل اَٹل ڈولو محکمہ صحت و میڈیکل ایجوکیشن کے فائنانشل کمشنر تعینات تھے اور آخری محکمہ زراعت کے ایڈیشنل چیف سیکرٹری رہے۔جموں وکشمیر میں اس وقت آئی اے ایس افسر ڈاکٹر ارون کمار مہتا چیف سیکرٹری کے عہدے پر فائز ہیں۔ وہ رواں ماہ کی 30 تاریخ کو ملازمت سے سبکدوش ہورہے ہیں۔
ارون کمار مہتا کو دو سال قبل بی وی آر سبھرانیم کی جگہ پر چیف سیکرٹری جموں و کشمیر تعینات کیا گیا تھا۔ ارون کمار مہتا نے بطور چیف سیکرٹری کئی متنازعہ بیانات دئے اور سرکاری ملازمین پر الزام عائد کیا کہ ان میں سے 2۰50 لاکھ ملازمین غیر قانونی طور یا بیک ڈور طریقے سے سرکاری نوکری حاصل کر چکے ہیں۔
