امت نیوز ڈیسک //
سائبر پولیس کشمیر نے سوشل میڈیا صارفین سے کہا ہے کہ وہ متعلقہ ہینڈلز یا پیجز کے ذریعے کسی بھی اشتعال انگیز یا نامناسب مواد کو پوسٹ کرنے یا شیئر کرنے سے سختی سے گریز کریں۔ سائبر پولیس کشمیر کے ایک اہلکار نے نیوز ایجنسی کشمیر اسکرول سے بات کرتے ہوئے کہا کہ موجودہ صورتحال میں، وہ سوشل میڈیا سے کہتے ہیں کہ وہ ذاتی ہینڈلز یا پیجز سے کسی بھی قسم کے اشتعال انگیز یا نامناسب مواد کو شیئر کرنے سے گریز کریں۔
ایک اہلکار نے کہا کہ "ہم نے وقت کے ساتھ ساتھ دیکھا ہے کہ کچھ لوگ اشتعال انگیز مواد کو شیئر کرنے میں ملوث ہیں اور ایسی صورت حال میں ہم اپنی طرف سے یہ فرض سمجھتے ہیں کہ ان لوگوں کو مواد کو ہٹانے کے لیے کہیں اور کسی بھی ایسے مواد کو پوسٹ کرنے یا شیئر کرنے سے گریز کریں جس سے امن و امان کی صورتحال کو خطرہ لاحق ہو۔”
انہوں نے مزید کہا کہ” ہم اس دوران اشتعال انگیز مواد کو شیئر کرنے والے لوگوں کی شناخت کرنے کے عمل میں ہیں اور کارروائی کی جا رہی ہے جیسا کہ ضروری ہے۔“
