امت نیوز ڈیسک //
گاندربل، 07 دسمبر : جمعرات کو وسطی کشمیر کے گاندربل ضلع میں زوجیلا پاس پر ایک گاڑی کے گہری کھائی میں گرنے سے کم از کم 4 افراد کی موت کا خدشہ ہے۔
ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ گاڑی کرگل سے سونہ مرگ جا رہی تھی جب وہ سڑک سے پھسل کر زوجیلا پاس پر ایک گھاٹی میں گر گئی۔ انہوں نے کہا کہ فوج، پولیس اور مقامی لوگ ریسکیو آپریشن کے لیے موقع پر پہنچ گئے ہیں اور مزید تفصیلات کا انتظار ہے۔ اہلکار کا کہنا تھا کہ واقعے میں 4 افراد کے ہلاک اور متعدد کے زخمی ہونے کا خدشہ ہے۔(کے این او)
