مینڈھر سیکٹر میں اسلحہ اور گولہ بارود برآمد

امت نیوز ڈیسک //
پونچھ ضلع کے مینڈھر میں تلاشی کاروائی کے دوران سیکورٹی فورسز نے بھاری مقدار میں اسلحہ اور گولہ بارود برآمد کرنےکا دعویٰ کیا ہے۔

دفاعی ذرائع نے بتایا کہ فوج اور پولیس نے ایک اطلاع کی بنیاد پر مینڈھر کے علاقے کسبلاڑی میں مشتر کہ محاصرہ اور تلاشی آپریشن
شروع کیا تھا۔

وائٹ نائٹ کور ایکس پر جاری بیان میں کہا کہ مینڈھر کےعلاقوں میں ملی ٹینٹوں کے خلاف انتھک کارروائیوں کو جاری رکھتے ہوئے ، فوج اور جموں و کشمیر پولیس کے انٹیلی جنس پر مبنی مشترکہ آپریشن کے نتیجے میں مینڈھر سیکٹر میں ایک خفیہ ٹھکانے سے 03 پستول، 06 میگزین ، 9 ایم ایم ، 64 راوند اور 04 گرینیڈازبرآمد ہوئے ہیں ۔

فوج نے مزید کہا کہ اس سے ٹارگٹ کلنگ کی منصوبہ بندی کرنے
والے عسکری منصوبے کو بہت بڑا دھچکا لگا ہے۔

اُنہوں نے مزید بتایا کہ علاقے میں تلاشی کاروائی جاری ہے۔