امت نیوز ڈیسک //
بھوپال: مدھیہ پردیش کے بھوپال کے ایک ایسے شخص سے ہم آپ کو ملانے جا رہے ہیں جنہوں نے 102سال کی عمر میں تیسری شادی کر ڈالی ہیں
انگریزوں کے خلاف جدوجہد آزادی میں حصہ لینے والے کرنے والے 103 سالہ حبیب نذر کی شادی 49 سالہ فیروز جہاں سے بھوپال کے اتوارا علاقے میں ہوئی.. ان کی دوسری بیوی کے انتقال کے بعد، وہ تنہا ہوگئے تھے اور اسی لئے انہوں نے فیروز جہاں سے تیسری شادی کی۔
اگرچہ یہ شادی گذشتہ سال ہوئی تھی لیکن اب یہ سرخیوں میں آئی ہے کیونکہ ان کا ایک ویڈیو سوشیل میڈیا پر وائرل ہوگیا تھا۔ اس ویڈیو میں حبیب نذر اور ان کی اہلیہ کو نکاح کی تقریب کے بعد ایک آٹو رکشا میں گھر لوٹتے ہوئے دیکھا جا سکتا ہے۔
کیمرے کے پیچھے موجود شخص جوڑے کو مبارکباد دیتے ہوئے سنا جاسکتا ہے۔ کلپ میں حبیب نذر کو یہ کہتے ہوئے سنا جا سکتا ہے کہ مجھے کسی چیز کی کمی محسوس نہیں ہوتی۔ میں صرف تنہائی محسوس کرتا ہوں۔
حبیب نذر کی پہلی شادی مہاراشٹرا کے ناسک میں ہوئی تھی اور ان کی دوسری شادی اتر پردیش کے لکھنؤ میں ہوئی تھی۔ انکی دونوں بیویاں انتقال کر چکی ہیں۔
جبکہ فیروز جہاں کی یہ دوسری شادی ہے۔ فیروز جہاں اپنے شوہر کے انتقال کے بعد تنہا زندگی گزار رہی تھیں۔
انہوں نے اس شادی پر اس لئے رضامندی ظاہر کی کیونکہ 103 سالہ حبیب نذر کی دیکھ بھال کرنے والا کوئی نہیں تھا۔
حبیب نذر سے شادی کے فیصلے کے بارے میں بات کرتے ہوئے فیروز جہاں نے واضح کیا کہ یہ ان کا اپنا فیصلہ تھا اور کسی نے بھی انہیں ایسا کرنے پر مجبور نہیں کیا۔ انہوں نے بتایا کہ میرے شوہر بالکل ٹھیک ہیں اور انہیں کوئی طبی مسئلہ درپیش نہیں ہے۔
