امت نیوز ڈیسک //
پولیس نے ضلع بارہمولہ کے پلہالن اور مرگنڈ پٹن میں دو منشیات فروشوں کو گرفتار کیا ہے اور ان کے قبضے سے ممنوعہ اشیاء برآمد کی ہیں۔ پلہلن پولیس کے چوکی آفیسرکی سربراہی میں پولیس پارٹی نے پلہلن میں ناکہ چیکنگ کے دوران ایک شخص عامر احمد گوجری عرف ایناکونڈا ولد محمد رمضان سکنہ گوجری محلہ پلہلن کو روک لیا۔ تلاشی کے دوران، افسران اس کے قبضے سے 108 گرام چرس جیسی مادہ برآمد کرنے میں کامیاب ہوئے۔
اسے گرفتار کر کے تھانے منتقل کر دیا گیا ہے جہاں وہ زیر حراست ہے۔ ایک اور واقعہ میں پولیس چوکی افسر میرگنڈ کی قیادت میں پولیس پارٹی نے ناکہ چیکنگ کے دوران سید محمد شاہ ولد سید اسماعیل شاہ ساکنہ کرپال پورہ پائین نامی ایک شخص کو پکڑ لیا۔ دوران تلاشی اس کے قبضے سے 105 گرام چرس برآمد ہوئی۔ اسے گرفتار کر کے تھانے منتقل کر دیا گیا ہے جہاں وہ زیر حراست ہے۔
اسی مناسبت سے متعلقہ تھانہ پتن میں قانون کی متعلقہ دفعات کے تحت مقدمات درج کر کے تفتیش شروع کر دی گئی ہے۔
