امت نیوز ڈیسک //
جموں و کشمیر ڈیزاسٹر مینجمنٹ اتھارٹی نے جمعہ کو جموں اور کشمیر کے 9 اضلاع کے لیے درمیانے درجے کے برفانی تودے گر آنے کی وارننگ جاری کی۔
انہوں نے ایک ایڈوائزری میں کہا کہ اگلے 24 گھنٹوں میں بانڈی پورہ، گاندربل، کپواڑہ، بارہمولہ، ڈوڈہ، کشتواڑ، پونچھ، رامبن، ریاسی اضلاع میں سطح سمندر سے 2200 میٹر کی بلندی پر درمیانے درجے کے خطرے کی سطح کے ساتھ برفانی تودہ گرنے کا امکان ہے۔
ان (مخصوص) علاقوں میں رہنے والے لوگوں کو مشورہ دیا جاتا ہے کہ وہ احتیاطی تدابیر اختیار کریں اور اگلے احکامات تک برفانی تودے کے شکار علاقوں میں جانے سے گریز کریں۔ انہوں نے کہا کسی بھی مدد کی صورت میں اتھارٹی سے 112 پر رابطہ کیا جا سکتا ہے۔
