امت نیوز ڈیسک //
ترال (پلوامہ) دیش بھگت یونیورسٹی پنجاب میں زیر تعلیم ایک طالب علم کی لاش کو پولیس نے پیر کے روز ہوسٹل کمرے سے برآمد کیا گیا ہے۔
تفصیلات کے مطابق جنوبی کشمیر کے گلاب باغ ترال کا ایک طالب علم زاہد احمد ولد عبدالقیوم بٹ جوکہ دیش بھگت یونیورسٹی پنجاب میں بی ایس سی ریڈیولاجی فائنل ائیر کا طالب علم تھا کی لاش ہوسٹل کمرے سے برآمد کی گئی ہے۔ لاش دیکھتے ہی یوینورسٹی عملہ نے اس کی اطلاع پولیس کو دی۔
پولیس کی ٹیم موقع پر پہنچ گئی اور انہوں نے لاش کو پوسٹ مارٹم کے لیے بھیج دیا ہے،جبکہ متوفی کے والدین کو بھی اطلاع دی گئی ہے اور وہ لاش کو لانے کے لیے پنجاب جا رہے ہیں۔
پولیس معاملے کی تحقیقات کر رہی ہے کیا یہ معاملہ خودکشی کا ہے یا کچھ اور ہے۔ڈی ڈی سی ممبر ترال ڈاکٹر ہربخش سنگھ نے اس معاملے پر دُکھ کا اظہار کرتے ہوئے کہا ہے کہ لاش کو گھر لانے کے لیے انہوں نے معاملہ پنجاب سرکار سے معاملہ اٹھایا ہے۔ انہوں نے اس حوالے سے اعلی سطحی تحقیقات کا مطالبہ بھی کیا ہے۔
کینڈا میں کشمیری طالب علم حرکت قلب بند ہونے سے فوت
پنجاب کے ایک کالج میں کشمیری طلباء پر مبینہ طور حملہ، 14افراد معطل
واضح رہے کہ کچھ روز قبل پنجاب کے سی ٹی انسٹی ٹیوٹ آف انجینئرنگ میں زیر تعلیم کشمیری طلبہ نے ہم جماعتیوں کی جانب سے ہراساں کرنے اور ان کی مار پیٹ کرنے کا الزام عائد کیا ہے۔ ادارے کی جانب سے ابھی تک 14 افراد کو معطل کر دیا ہے جبکہ پولیس کی جانب سے مزید تحقیقات جاری ہے۔
