امت نیوز ڈیسک //
ہندواڑہ، 14 مارچ : انسداد بدعنوانی بیورو (اے سی بی) نے شمالی کشمیر کے کپواڑہ ضلع میں دیہی ترقیاتی بلاک قاضی آباد کے جونیئر انجینئر (جے ای) ارشد میرازی کو 5000 روپے کی رشوت لیتے ہوئے گرفتار کیا۔
ذرائع نے نیوز ایجنسی کشمیر اسکرول کو بتایا کہ شکایت کی بنیاد پر جے ای کو پھنسایا گیا اور 5000 روپے رشوت لیتے ہوئے رنگے ہاتھوں گرفتار کیا گیا۔ ان کا کہنا تھا کہ اسے اے سی بی ٹیم نے گرفتار کر کے اپنی تحویل میں لے لیا ہے۔
اس کے قبضے سے رشوت کی رقم بھی برآمد ہوئی۔ انہوں نے مزید کہا کہ مزید تفصیلات جلد شیئر کی جائیں گی۔ (کشمیر اسکرول)
