امت نیوز ڈیسک //
جموں کے ڈپٹی کمشنر سچن کمار ویشیا کے مطابق 28 مارچ 2024 انتخابات کے حوالے سے گزیٹیڈ نوٹیفکیشن جاری کرنے کی تاریخ ہے۔جس کے بعد 4 اپریل 2024 کو پرچہ نامزدگی داخل کیے جائیں گے۔ 8 اپریل کو امیدوار پرچہ نامزدگی واپس لے سکتے ہیں۔ 26 اپریل کو پولنگ ہوگی اور 4 جون کو نتائج کا اعلان ہوگا۔
جموں کے ڈپٹی کمشنر سچن کمار ویشیا نے کہا کہ انتخابات کے دوران ماڈل کوڈ آف کنڈکٹ کا سختی سے نفاذ ضلع انتظامیہ کی اولین ترجیح رہے گی۔ انہوں نے جموں پارلیمانی حلقے کے لیے پولنگ کے شیڈول کا خاکہ پیش کرتے ہوئے کہا کہ "ماڈل کوڈ آف کنڈکٹ کی عدم خلاف ورزی اور ووٹنگ کا فیصد بڑھانا ضلعی انتظامیہ کی اولین ترجیحات میں ہیں۔
ویشیا کے مطابق 28 مارچ 2024 انتخابات کے حوالے سے گزیٹیڈ نوٹیفکیشن جاری کرنے کی تاریخ ہے۔ جس کے بعد 4 اپریل 2024 کو پرچہ نامزدگی داخل کیے جائیں گے، 8 اپریل کو امیدوارو پرچہ نامزدگی واپس لے سکتے ہیں۔26 اپریل کو پولنگ ہوگی اور 4جون کو نتائج کا اعلان ہوگا۔
انہوں نے 2024 کی متوقع آبادی کے اعداد و شمار کا حوالہ دیتے ہوئے کہا کہ جموں ضلع کی کل آبادی 18,03,653 ہے جس میں سے 11,78,431 ووٹر ہیں۔ڈی سی جموں نے کہا کہ جموں پارلیمانی حلقہ میں 18 اسمبلی حلقے ہیں جن میں سے 11 جموں ضلع میں، تین سانبہ اور تین ریاسی اضلاع میں اور ایک ضلع راجوری (کالا کوٹ) میں آتا ہے۔
ڈی سی جموں کے مطابق جموں پارلیمانی حلقہ میں 17,68,837 ووٹرز ہیں، جہاں ووٹروں کے لیے 2416 پولنگ اسٹیشن بنائے گئے ہیں۔انہوں نے کہا کہ اکیلے جموں ضلع میں 1488 پولنگ اسٹیشن بنائے گئے ہیں۔ تاکہ پولنگ کو پرامن طریقے سے یقینی بنایا جا سکے۔
ڈی سی نے مزید بتایا کہ انتخابات کو کسی بھی قسم کے واقعات سے پاک کرنے کو یقینی بنانے کے لیے 35 ٹیمیں بشمول فلائنگ اسکواڈز، سٹیٹک سرویلنس اسکواڈز، ویڈیو سرویلنس ٹیموں سمیت دیگر اسکواڈز کو بھی تعینات کیا گیا ہے۔ سوشل میڈیا اور پرنٹ میڈیا کے مواد کی نگرانی کے لیے افسران کی تقرری کے علاوہ ڈی سی نے کہا کہ انتظامیہ کی جانب سے انتخابات کے پرامن انعقاد کے لیے ٹول فری نمبر 1950 بھی جاری کیا گیا ہے۔
