امت نیوز ڈیسک //
سری نگر: وسطی کشمیر سری نگر ضلع کے کھونموہ علاقے میں پیر کی دیر رات مٹی کے تودے کے نیچے گرنے سے ایک جے سی بی ڈرائیور کی جان چلی گئی۔
رپورٹس میں کہا گیا ہے کہ ٹی سی آئی اور خیبر فیکٹری کھنموہ کے درمیان، ڈرائیور کے ساتھ ایک جے سی بی مٹی کے تودے کے ملبے کے نیچے دب گئی۔
ان کا کہنا تھا کہ واقعے کے فوراً بعد ریسکیو آپریشن شروع کیا گیا اور بھرپور کوششوں کے بعد جے سی بی آپریٹر کی لاش نکال لی گئی جس کی شناخت مشتاق احمد کے نام سے ہوئی ہے۔
دریں اثناء پولیس نے نوٹس لیتے ہوئے تفتیش شروع کر دی ہے۔(کشمیر اسکرول)
