امت نیوز ڈیسک //
پونچھ: جموں و کشمیر کے پونچھ ضلع میں منگل کی دیر رات ایک زوردار دھماکہ ہوا جس کی وجہ سے آس پاس کے لوگوں میں خوف وہراس پھیل گیا۔ ابتدائی اطلاعات کے مطابق یہ دھماکہ عسکریت پسندوں کا حملہ ہو سکتا ہے۔ یہ دھماکہ پونچھ ضلع میں ایک مذہبی مقام کے قریب ہوا۔ تاہم اس دھماکے میں کسی کے زخمی ہونے کی کوئی اطلاع نہیں ہے۔ یہ دھماکہ پونچھ کے ضلع اسپتال کے قریب ہوا جہاں ایک گردوارہ بھی ہے۔
حکام کا کہنا ہے کہ دھماکہ ہوتے ہی پولیس اور فوج کے جوانوں نے علاقے کو گھیرے میں لے لیا۔ فارنسک ماہرین کو جائے حادثہ پر بھیج دیا گیا ہے۔ تاہم ابتدائی تحقیقات سے لگتا ہے کہ عسکریت پسندوں نے چینی گرینیڈ پھینک کر حملہ کیا جس سے دھماکہ ہوا۔ فارنسک رپورٹ سے واضح ہو جائے گا کہ یہ دھماکہ کس نوعیت کا تھا۔ فی الحال جائے وقوعہ پر سکیورٹی اہلکار جمع ہیں اور اس کی تفصیل سے تفتیش کی جا رہی ہے۔ علاقے کو ہر طرف سے تلاش کیا جا رہا ہے۔
دھماکے کے بعد سیکیورٹی فورسز نے جائے وقوعہ کو سیل کردیا ہے اور اس کی کئی زاویوں سے تفتیش کی جارہی ہے۔ سیکیورٹی فورسز نے واقعے کو انجام دینے والوں کی تلاش کے لیے سرچ آپریشن بھی شروع کردیا ہے۔ تاہم ابھی تک اس دھماکے کے معاملے میں کسی کی گرفتاری عمل میں نہیں آئی تھی۔
