امت نیوز ڈیسک //
پولیس نے بارہمولہ میں 3 منشیات فروشوں کو گرفتار کیا ہے اور ان کے قبضے سے ممنوعہ اشیاء برآمد کی ہیں۔پولیس ترجمان کے مطابق پولیس اسٹیشن ٹنگمرگ کی ایک پولیس پارٹی نے ایس ایچ او ٹنگمرگ کی سربراہی میں دیودراگر ٹنگمرگ میں قائم ایک چوکی پر تین افراد کو روکا۔ تلاشی کے دوران ان کے قبضے سے 135 گرام ممنوعہ چرس اور 1.3 لاکھ کا مادہ برآمد ہوا۔ بعد ازاں ان کی شناخت تنویر احمد ڈار ولد غلام محمد ڈار، شبیر احمد گنائی ولد عبدالعزیز ساکنان ہرد اچلو اور شبیر احمد شیخ ولد عبدالخالق ساکنہ ونیلو کے طور پر ہوئی ہے ۔ان کو گرفتار کر کے پی ایس ٹنگمرگ منتقل کر دیا گیا ہے۔
ترجمان کے مطابق ملزمان کے خلاف متعلقہ دفعات کے تحت پولیس اسٹیشن ٹنگمرگ میں کیس درج کرکے تحقیقات شروع کردی گئی ہے۔
ادھر پولیس نے لوگوں سے اپیل کی ہے کہ اگر آپ اپنے آس پاس کہیں بھی منشیات فروشی یا کوئی اور جرم دیکھتے ہیں تو بلا جھجھک قریبی پولیس اسٹیبلشمنٹ سے رابطہ کریں یا 112 پر ڈائل کریں۔ لوگوں سے درخواست ہے کہ معاشرے سے منشیات کی لعنت کو روکنے میں پولیس کے ساتھ تعاون کریں۔ ہم کمیونٹی ممبران کو یقین دلاتے ہیں کہ پولیس قانون کے مطابق مجرموں کے خلاف سخت کارروائی کرے گی۔
