امت نیوز ڈیسک //
سری نگر، 25 اپریل : شمالی کشمیر کے سوپور کے نوپورہ علاقے میں جنگجوؤں اور سیکورٹی فورسز کے درمیان فائرنگ کا تبادلہ ہوا۔
جی این ایس تک پہنچنے والی اطلاعات کے مطابق پولیس اور فوج کی ایک مشترکہ ٹیم نے نوپورہ میں محاصرے اور تلاشی کی کارروائی شروع کی۔ جیسے ہی فورسز کی مشترکہ ٹیم مشتبہ مقام کے قریب پہنچی تو چھپے ہوئے عسکریت پسندوں نے فورسز پر فائرنگ کردی جس سے فائرنگ کا تبادلہ شروع ہوگیا۔
ایک سینئر پولیس افسر نے بھی جی این ایس کو عسکریت پسندوں اور سیکورٹی فورسز کے درمیان فائرنگ کے تبادلے کی تصدیق کی۔(جی این ایس)
