امت نیوز ڈیسک //
اننت ناگ راجوری لوک سبھا نشست کی مجموعی پولنگ شرح کا اعلان کرتے ہوئے چیف الیکٹورل آفیسر پی کے پولے نے پریس کانفرنس سے خطاب کرتے ہوئے کہا کہ اس نشست پر مجموعی طور پر 53 فیصد پولنگ ہوئی ہے۔ انہوں نے کہا کہ جموں کشمیر میں مجموعی طور پر 58 فیصد ووٹنگ ریکارڈ کی گئی جو کہ گزشتہ 35 برسوں میں سب سے زیادہ ہے۔ ان باتوں کا اظہار الیکٹورل آفیسر نے یہاں ای ایک پریس کانفرنس کے دوران کیا۔
انہوں نے سیکورٹی فور سز اہلکاروں اور امیدواروں کا شکریہ ادا کرتا ہوں۔ چیف الیکٹورل آفیسر نے کہا کہ بڑا ریکارڈ بنانے کا سہرا ووٹروں کو جاتا ہے جنہوں نے گھروں سے با ہر آکر اپنے ووٹ کا استعمال کر کے انتخابی عمل کو کامیاب بنایا۔ پی کے پولے نے کہا کہ اننت ناگ راجوری پارلیمانی نشست پر مجموعی طور پر 53 فیصد ووٹنگ ٹرن آوٹ ہوا ۔ ان کے مطابق سرنکوٹ میں سب سے زیادہ ووٹنگ 68 فیصد ریکارڈ کی گئی جبکہ کو لگام اور اننت ناگ میں بالترتیب 32 اور 33 فیصد درج ہوئی ۔ انہوں نے کہا کہ مائیگرنٹ پولنگ بوتھوں پر بھی پچاس فیصد ووٹرٹرن آوٹ ریکارڈ کیا گیا ۔ ان کے مطابق اننت ناگ را جوری پارلیمانی نشست پر نو ہزار پولنگ اسٹاف کی تعیناتی عمل ہے میں لائی گئی تھی ۔ انہوں نے کہا کہ جہاں تک جموں کشمیر کی پانچ پارلیمانی نشستوں پر ووٹر ٹرن آوٹ کا تعلق ہے تو سری نگر میں 39 فیصد ووٹنگ ریکارڈ ہوئی ، بارہ مولہ میں 59.10 فیصد، ادھم پور میں 68 اور جموں میں 72.22 فیصد
ووٹنگ ریکارڈ کی گئی۔ پی۔
ان کے مطابق الیکشن کمی کمیشن آف انڈیا کی جانب سے اننت ناگ پارلیمانی نشست پر سیکورٹی کے فقید المثال انتظامات کئے گئے تھے۔
