امت نیوز ڈیسک //
بارہمولہ: پولیس نے بارہمولہ میں پاکستان میں مقیم 5 عسکریت پسند ہینڈلرز کی جائیداد ضبط کر لی ہے۔ شمالی کشمیر کے بارہمولہ میں پولیس نے معزز عدالت بارہمولہ کی طرف سے جاری کردہ اٹیچمنٹ آرڈر حاصل کرنے کے بعد پاکستان میں مقیم 5 ہینڈلرز کی کروڑوں مالیت کی جائیداد (9 کنال) اراضی کو ضبط کرلیا۔ جن میں بشیر احمد گنی ولد غضن احمد ساکن تلگام، معراج الدین لون ولد فتح محمد ساکن کھڑگام، غلام محمد یتو ولد غضن احمد ساکن تلگام، عبد الرحمان بھٹ ولد محمد سبحان ساکن وانیگام پائین اور عبد الرشد لون ولد غلام محی الدین ساکن ستریسران بھی شامل ہیں۔
یہ کارروائی 83 CRPC کے سیکشن کے تحت کی گئی تھی اور اس کا تعلق کریری تھانے میں درج ایف آئی آر سے ہے۔ پولیس کی طرف سے کی گئی تفتیش/انکوائری کے دوران اس پراپرٹی کی شناخت ہینڈلرز سے تعلق رکھنے والوں کی تھی۔
بتایا گیا ہے کہ بارہ مولہ میں بارہمولہ کورٹ کی جانب سے دیے گئے اٹیچمنٹ آرڈر حاصل کرنے کے بعد پولیس نے نو کنال اراضی کی جائیدادیں ضبط کرلیں۔ پاکستان میں مقیم پانچ ہینڈلرز کی شناخت بشیر احمد گنی، معراج الدین لون، غلام محمد یتو، عبدالرحمن بھٹ اور عبدالرشید لون کے نام سے ہوئی ہے۔
