امت نیوز ڈیسک //
بارہمولہ: بارہمولہ میں چار سال سے زائد عرصہ سے مفرور ایک شخص کو گرفتار کیا گیا ہے۔ بارہمولہ پولیس نے مفروروں کے خلاف کریک ڈاؤن کو جاری رکھتے ہوئے، ایک مفرور کو گرفتار کر لیا ہے۔ پولیس کے مطابق یہ مفرور چار سال سے اپنی گرفتاری سے بچ رہا تھا۔
شمالی کشمیر کے ضلع بارہمولہ میں تھانہ بنیار کی پولیس پارٹی نے ایک مفرور ملزم فیروز احمد خان کو گرفتار کیا ہے۔ ملزم فیروز احمد خان زہان پورہ بنیار کا رہنے والا ہے ملزم فیروز احمد خان مقدمہ ایف آئی آر نمبر 12/2020 زیر دفعہ 498-A، 147,34 اور 506 آئی پی سی پی ایس بونیار کے سلسلے میں مطلوب تھا۔
ملزم فیروز احمد خان کے خلاف جے ایم آئی سی بونیار کی معزز عدالت نے گرفتاری کا وارنٹ جاری کیا تھا۔ ملزم فیروز احمد خان 2020 سے اپنی گرفتاری سے بچ رہا تھا۔ گرفتاری کے بعد اسے عدالت میں پیش کیا گیا۔ فی الحال ملزم کو ڈسٹرکٹ جیل بارہمولہ میں رکھا گیا ہے۔
پولیس اس بات کو یقینی بنانے کے لیے سخت اقدامات کر رہی ہے کہ تمام افراد جو اپنی گرفتاریوں سے مفرور ہیں ان کو پکڑا جائے اور ان کے مجرمانہ اقدامات کے لیے جوابدہ ہوں۔ جرائم کو روکنے کے لیے بارہمولہ پولیس کی اس مہم کی ستائش کی جا رہی ہے۔
