امت نیوز ڈیسک //
سری نگر، 18 جولائی: شمالی کشمیر کے کپواڑہ کے کیرن علاقے میں دراندازی کی کوشش کو ناکام بنانے کے بعد سیکورٹی فورسز اور ملی ٹینٹوں کے درمیان فائرنگ کے تبادلے میں دو ملی ٹینٹ مارے گئے ہیں۔
قابل اعتماد ذرائع نے سری نگر کی ایجنسی کشمیر اسکرول کو بتایا کہ کپواڑہ ضلع کے کیرن علاقے میں سیکورٹی فورسز اور ملی ٹینٹوں کے درمیان فائرنگ کا تبادلہ ہوا جس میں اب تک دو ملی ٹینٹ مارے گئے ہیں ۔
انہوں نے بتایا کہ فائرنگ کا تبادلہ اس وقت شروع ہوا جب سیکورٹی فورسز بشمول 06 آر آر اور کپواڑہ پولیس کو کیرن علاقے میں دراندازی کی اطلاع ملی جس کے بعد آپریشن شروع کیا گیا۔
