امت نیوز ڈیسک //
جموں و کشمیر پولیس نے جمعرات کو کہا کہ انہوں نے سری نگر میں ایک مخصوص کمیونٹی کے خلاف کسی شخص کی طرف سے کچھ حساس مواد پوسٹ کرنے کے خلاف نوٹس لیا ہے۔
ایکس پر ایک پوسٹ میں، سری نگر پولیس نے لکھا، "پولیس نے سوشل میڈیا پلیٹ فارم پر کچھ افراد کی طرف سے ایک مخصوص کمیونٹی کے مذہبی جذبات کے خلاف حساس مواد پوسٹ کرنے کے واقعے کا نوٹس لیا ہے۔
بیان میں کہا گیا ہے کہ "ایف آئی آر نمبر 29/2024 زیر 299، 196 بی این ایس پی ایس شہید گنج تھانے میں درج کی گئی ہے اور ملزمان کو گرفتار کر لیا گیا ہے۔”
بیان میں مزید بتایا گیا ہے کہ عوام الناس سے اپیل کی گئی کہ وہ افواہوں/جھوٹی معلومات پھیلانے سے گریز کریں۔ انہیں سماج دشمن عناصر کے جھوٹے پروپیگنڈے کا شکار نہیں ہونا چاہیے۔ جو لوگ اشتعال انگیز کارروائی/ اشتعال انگیزی میں ملوث پائے گئے ان کے خلاف قانونی کارروائی کی جائے گی۔
