امت نیوز ڈیسک //
ادھم پور ضلع میں عسکریت پسندوں اور سرکاری فورسز کے درمیان تصادم شروع ہوا ہے۔ سرکاری ذرائع نے دی کشمیریت کو بتایا کہ جموں کشمیر پولیس، ہندوستانی فوج اور سی آر پی ایف کی ایک ٹیم نے جموں کے ضلع ادھم پور کے بسنت گڑھ علاقے میں عسکریت پسندوں کی نقل و حرکت سے متعلق اطلاعات کے بعد محاصرے اور تلاشی کی کارروائی شروع کی۔
انہوں نے بتایا کہ منگل کی سہ پہر شروع کی گئی کارروائی کے دوران، چھپے ہوئے عسکریت پسندوں نے فورسز پر فائرنگ کی، جس سے انکاؤنٹر شروع ہوا۔ ایس ایس پی ادھم پور جوگندر سنگھ نے فائرنگ کے تبادلے کی تصدیق کرتے ہوئے کہا کہ سیکورٹی فورسز نے اودھم پور ضلع کے بسنت گڑھ علاقے میں خانیر میں ملی ٹینٹوں سے رابطہ قائم کیا ہے۔
تازہ ترین اطلاعات کے مطابق تصادم کے مقام پر فائرنگ کا زبردست تبادلہ جاری ہے۔
