سوپور جھڑپ میں ملی ٹینٹ ازجان،فوجی اہلکار زخمی ،آپریشن ختم

امت نیوز ڈیسک //
سری نگر، 24 اگست: شمالی کشمیر کے بارہمولہ کے وترگام سوپور علاقے میں ہفتہ کے روز مسلح تصادم میں ایک جنگجو مارا گیا اور ایک فوجی زخمی ہوا۔

ایک اعلیٰ پولیس افسر نے جی این ایس کو بتایا کہ آج دوپہر علاقے میں فائرنگ شروع ہوئی اور عسکریت پسندوں کو بے اثر کرنے کے لیے کمک بھیجی گئی۔ ابتدائی فائرنگ میں ایک فوجی زخمی ہوا اور اسے فوری طور پر ہسپتال منتقل کر دیا گیا۔ افسر نے کہا، "عسکریت پسند مارا گیا ہے اور اس کے ساتھ ہی آپریشن ختم ہو گیا ہے،” افسر نے کہا۔

انہوں نے کہا کہ عسکریت پسند کی شناخت اور گروپ سے وابستگی کا پتہ لگایا جا رہا ہے۔ افسر نے مزید کہا کہ فائرنگ کے تبادلے کی جگہ سے ایک پستول کے ساتھ کچھ راؤنڈز اور ایک گرینیڈ برآمد کیا گیا ہے۔(جی این ایس )