امت نیوز ڈیسک //
سری نگر، 28 ستمبر:جنوبی کشمیر کے کولگام ضلع کے آدیگام علاقے میں ہفتہ کو جاری تصادم میں تین فوجی جوان، ایک پولیس افسر زخمی ہو گئے۔
ایک اعلیٰ پولیس افسر نے جی این ایس کو بتایا کہ عسکریت پسندوں کے ساتھ ابتدائی فائرنگ کے تبادلے میں تین فوجی جوان اور ایک پولیس افسر (اے ایس پی) زخمی ہوئے۔
ان تمام کو فوری طور پر علاج کے لیے اسپتال منتقل کر دیا گیا ہے جہاں ان کی حالت مستحکم بتائی جاتی ہے۔
رپورٹ درج ہونے تک علاقے میں آپریشن جاری تھا۔ اس سے قبل آدیگام کے علاقے میں عسکریت پسندوں اور سیکورٹی فورسز کے درمیان فائرنگ کا تبادلہ ہوا۔(جی این ایس )
