امت نیوز ڈیسک //
کولگام، 13 اکتوبر: جنوبی کشمیر کے کولگام ضلع کے دمہل ہانجی پورہ علاقے میں اتوار کو مبینہ طور پر ایک ڈمپر کی زد میں آکر دو کمسن بچوں کی موت ہو گئی۔
ایک اہلکار نے نیوز ایجنسی کشمیر نیوز آبزرور کو بتایا کہ حادثہ ڈی ایچ پورہ میں سابق ایم ایل اے عبدالمجید پیڈر کی رہائش گاہ کے قریب پیش آیا جہاں ایک ڈمپر گاڑی نے دونوں بچوں کو ٹکر مار دی جس سے وہ شدید زخمی ہو گئے۔ انہوں نے بتایا کہ دونوں کو سب ڈسٹرکٹ ہسپتال ڈی ایچ پورہ لے جایا گیا، جہاں ڈاکٹروں نے انہیں مردہ قرار دیا۔
متوفین شناخت ملیحہ اعجاز دختر اعجازاحمد وانی، ساکن ڈی ایچ پورہ، عمر 13 سال، اور اماں اعجاز ولد اعجازاحمد ہیلہ ساکنہ یارو کے طور پر ہوئی ہے۔ دریں اثنا، پولیس نے حادثے کا نوٹس لے لیا ہے-
