امت نیوز ڈیسک //
سری نگر، 2 نومبر : وسطی کشمیر کے سری نگر ضلع کے خانیار علاقے میں ہفتہ کو جاری تصادم میں دو سینٹرل ریزرو پولیس فورس اور جموں و کشمیر پولیس کے دو اسپیشل آپریشن گروپ کے اہلکار زخمی ہوئے۔
ایک اعلیٰ پولیس افسر نے جی این ایس کو بتایا کہ جاری لڑائی کے دوران چار افراد بشمول دو سی آر پی ایف اور ایس او جی اہلکار گولی لگنے سے زخمی ہوئے۔
افسر نے مزید کہا کہ چاروں کو علاج کے لیے ہسپتال منتقل کیا گیا، جہاں ان کی حالت مستحکم بتائی جاتی ہے۔ اس دوران جاری آپریشن میں اب تک کوئی جنگجو ازجان نہیں ہوا ہے۔
قبل ازیں، خانیار میں عسکریت پسندوں اور سیکورٹی فورسز کے درمیان مخصوص اطلاع پر فائرنگ کا تبادلہ ہوا۔(جی این ایس )
