امت نیوز ڈیسک //
سری نگر، 10 نومبر :وسطی کشمیر کے سری نگر ضلع کے اشبر علاقے میں اتوار کی صبح ملی ٹینٹوں اور سیکورٹی فورسز کے درمیان ایک تصادم شروع ہوا۔
پولیس کے ایک اعلیٰ پولیس اہلکار نے مقامی نیوز ایجنسی کو بتایا کہ سیکورٹی فورسز کی ایک مشترکہ ٹیم نے علاقے میں ملی ٹینٹوں کی موجودگی کے بارے میں مخصوص اطلاع پر محاصرے اور تلاشی کی کارروائی شروع کی۔
انہوں نے کہا کہ جیسے ہی مشترکہ ٹیمیں مشتبہ مقام کی طرف پہنچیں تو وہاں موجود ملی ٹینٹوں نے ان پر فائرنگ کی جس کا جوابی کارروائی کی گئی جس سے انکاؤنٹر شروع ہو گیا۔
خیال کیا جا رہا ہے کہ دو سے تین ملی ٹینٹ علاقے میں پھنسے ہوئے ہیں۔ مزید تفصیلات کا انتظار ہے۔
