امت نیوز ڈیسک //
جموں، 30 نومبر: ڈوڈہ ضلع میں کشور-ڈوڈہ نیشنل ہائی وے پر شیوا پل کے قریب سڑک حادثے میں ایک خاتون کی موت ہو گئی۔
عہدیداروں نے جی این ایس کو بتایا کہ ایک آلٹو کار جس کا رجسٹریشن نمبر JK06B-2993 شیوا پل کے قریب حادثہ کا شکار ہوا اور دریائے چناب میں گر گئی۔ کچھ ہی دیر میں پولیس اور مقامی لوگوں کی ایک ٹیم موقع پر پہنچ گئی اور امدادی کارروائی شروع کی۔
جائے وقوعہ سے ایک خاتون کی لاش نکال لی گئی ہے جبکہ ریسکیو آپریشن تاحال جاری ہے۔ یہ رپورٹ درج ہونے تک گاڑی میں کتنے مسافر سوار تھے معلوم نہیں ہوسکا تھا۔
دریں اثنا، پولیس نے اس سلسلے میں ایک کیس درج کر لیا ہے اور تحقیقات شروع کر دی گئی ہے۔(جی این ایس )
