امت نیوز ڈیسک //
سری ہری کوٹہ: سائنس وٹکنالوجی کے مرکزی وزیر مملکت (آزادانہ چارج) جتیندر سنگھ نے بدھ کی صبح شار رینج سے 100 ویں مشن کے تاریخی اعزازکو کامیابی کے ساتھ مکمل کرنے کے لئے ہندوستانی خلائی تحقیقی تنظیم (اسرو) کی تعریف کی۔
جتیندر سنگھ نے کہا کہ جب سے وزیر اعظم نریندر مودی نے خلائی شعبے کے دروازے کھولے ہیں، ہم کامیابی کی ہر سرحد کو عبور کرتے ہوئے مسلسل نئی بلندیوں کی طرف بڑھ رہے ہیں۔
جی ایل ایس وی-ایف15 کے ذریعے نیویگیشن سیٹلائٹ این وی ایس-02 کو صحیح جیو سِنکرونس ٹرانسفر آر بٹ میں کامیابی سے اور درست طریقے سے داخل کرنے کے بعد، انہوں نے ‘ایکس’ پر ایک پوسٹ میں وزیراعظم مودی اور اسرو کی ستائش کی۔
انہوں نے ‘ایکس’ پر ایک پوسٹ میں کہا، "وزیراعظم نریندر مودی نے خلا کے شعبے کو کھولا ہے، وکرم سارہ بھائی، ستیش دھون اور کچھ دیگر لوگوں کی طرف سے کی گئی ایک چھوٹی سی شروعات سے یہ ایک حیرت انگیز سفر رہا ہے، اور وزیراعظم کے ذریعہ خلا کے شعبے کو کھولنے کے بعد یہ ایک بڑی کامیابی ہے۔
سری ہری کوٹا سے 100ویں لانچ کی تاریخی کامیابی حاصل کرنے کے لیے اسرو کو مبارکباد۔
مسٹر جتیندر سنگھ نے کہا، "اس تاریخی کامیابی کے لمحے میں خلائی محکمہ سے وابستہ ہونا میرے لیے اعزاز کی بات ہے“۔
