امت نیوز ڈیسک //
این سی سی کیڈس صرف آپس میں ہی نہیں بلکہ ملک کے مختلف خطوں کے نوجوانوں کے ساتھ تعلقات استوار کرتے ہیں کی بات کرتے ہوئے وزیر اعلیٰ عمر عبد اللہ نے کہا کہ مجھ پر بھروسہ کریں جو رشتے آپ نے اپنے ساتھی کیڈٹس کے ساتھ بنائے ہیں وہ زندگی بھر آپ کے ساتھ رہیں گے۔ سی این آئی کے مطابق وزیر اعلیٰ عمر عبداللہ نے پیر کو جموں و کشمیر اور لداخ کے نوجوانوں کی ہمت، لچک اور محنت کی تعریف کی۔وزیر اعلیٰ نے نئی دہلی میں یوم جمہوریہ 2025 کی پریڈ میں حصہ لینے والے این سی سی کیڈٹس سے خطاب کرتے ہوئے کہا”ہم پر اس سے کہیں زیادہ آپ پر دباو ہے۔ پہلے مارکنگ سسٹم نرم ہوا کرتا تھا لیکن اب بہت سے کالجوں میں کٹ آف 100 فیصد ہے۔ میں کبھی کبھی سوچتا ہوں کہ آپ 100 فیصد سے زیادہ کیا حاصل کر سکتے ہیں“۔ہر میدان میں سبقت حاصل کرنے کے لیے نوجوانوں کے عزم کو سراہتے ہوئے، عمر نے کہا”بہت زیادہ دباو کے باوجود آپ اپنا وقت نکال کر این سی سی میں شامل ہوتے ہیں۔آپ (این سی سی کیڈٹس) خود جموں و کشمیر کے ایک کراس سیکشن کی نمائندگی کرتے ہیں، آپ ہیں۔ جموں، کشمیر اور لداخ سے۔ آپ تنوع میں اتحاد کی نمائندگی کرتے ہیں“۔وزیر اعلیٰ نے کہا”آپ (این سی سی کیڈٹس) صرف آپس میں ہی نہیں بلکہ ملک کے مختلف خطوں کے نوجوانوں کے ساتھ تعلقات استوار کرتے ہیں۔مجھ پر بھروسہ کریں جو رشتے آپ نے اپنے ساتھی کیڈٹس کے ساتھ بنائے ہیں وہ زندگی بھر آپ کے ساتھ رہیں گے۔“
