امت نیوز ڈیسک //
سری نگر:ہندوستانی فضائیہ (آئی اے ایف) نے ہفتے کے روز کرگل سے سری نگر کے درمیان اے این – 32 کرگل کورئیر سروس کا آغاز کیا۔ضلع مجسٹریٹ کرگل کے ‘ایکس’ ہینڈل پر ہفتے کو ایک پوسٹ کے ذریعے جانکاری فراہم کرتے ہوئے کہا گیا: ‘رواں موسم سرما کے لئے اے این – 32 کرگل کورئیر سروس آج سے شروع ہو گئی ہے’۔
حکام نے بتایا کہ پہلے ہی دن 24 مسافروں کو ائر لفٹ کیا گیا۔انہوں نے کہا کہ سروس کے پہلے دن 1 مسافروں کو کرگل سے سری نگر جبکہ اتنے ہی مسافروں کو سری نگر سے کرگل پہنچایا گیا۔بتادیں کہ کرگل کورئیر سروس کرگل- سری نگر اور کرگل- جموں روٹس پر منتخب دنوں پر چلتی ہے تاکہ سری نگر- لیہہ قومی شاہراہ پر بھاری برف باری کی وجہ سے پھنسے ہوئے مسافروں کو سہولیت پہنچ سکے۔
دریں اثنا ضلع مجسٹریٹ کرگل شری کانت بالا صاحب سوسے اور ڈپٹی سپرنٹنڈنٹ آف پولیس (ہیڈ کوارٹر) نتن یادو نے کرگل ہوائی اڈے پر تمام انتظامات کا معائنہ کیا اور تمام متعلقہ حکام کو ہدایت دی کہ وہ کرگل کورئیر سروس کے ہموار انتظام کو یقینی بنائیں
