امت نیوز ڈیسک //
جموں 12 اپریل: جموں کے اکھنور کے کیری بٹل سیکٹر میں ملی ٹینٹوں کے ساتھ فائرنگ کے تبادلے کے دوران شدید زخمی ہونے والے فوج کے ایک جونیئر کمیشنڈ آفیسر نے ہفتہ کو زخموں کی تاب نہ لاتے ہوئے دم توڑ دیا۔
سرکاری ذرائع نے خبر رساں ایجنسی جے کے این ایس کو بتایا کہ ملی ٹینٹوں نے جمعہ کی دیر رات کیری بٹل سیکٹر میں فارورڈ پوسٹ کے قریب فوج کی ایک پارٹی پر فائرنگ کی۔
ان کا کہنا تھا کہ فوج نے جوابی کارروائی کی جس کے نتیجے میں کچھ فائرنگ کا تبادلہ ہوا جس میں ایک جے سی او شدید زخمی ہوا۔
ان کا کہنا تھا کہ زخمی جے سی او کو فوری طور پر علاج کے لیے ہسپتال لے جایا گیا جہاں وہ ہفتے کے روز زخموں کی تاب نہ لاتے ہوئے چل بسا۔
