پہلگام، اننت ناگ :پھنسے ہوئے مسافروں کی مدد اور اضافی رش کو کم اور ایڈجسٹ کرنے کے لیے ایس ایم وی ڈی کٹرا سے نئی دہلی کے لیے ایک خصوصی ٹرین کا آغاز کرتے ہوئے ایک خصوصی ٹرین سروس شروع کی گئی ہے۔ ٹکٹ کٹرا، ادھم پور اور جموں اسٹیشنوں سے کاؤنٹر پر دستیاب ہوں گے۔
اس کے لیے ٹرین نمبر: 04612 جس کا روانگی اسٹیشن: شری ماتا ویشنو دیوی (SMVD) کٹرا ہے۔ جب کہ روانگی کا وقت: 2120 بجے طے کیا گیا ہے۔ یہ ٹرین شہید کیپٹن تشار مہاجن اسٹیشن ادھم پور پر 2148-2150 بجے رکے گی۔ اس کے ساتھ ہی یہ ٹرین جموں توی ریلوے اسٹیشن، جموں پر 2300-2305 بجے رکے گی۔
یہ خصوصی ٹرین مسافروں کے اضافی بوجھ کو دور کرنے اور نئی دہلی تک محفوظ اور آرام دہ سفر کو یقینی بنانے میں اہم کردار ادا کرے گی۔ ٹرین صبح 0930 بجے نئی دہلی پہنچے گی۔ نیز، رامبن میں قومی شاہراہ کو فوری طور پر کھول کر یک طرفہ بنیادوں پر فعال بنایا گیا ہے۔ تاکہ پھنسے مسافرین اور گاڑیاں بغیر کسی رکاوٹ کے آمد و رفت کر سکیں۔ جب کہ کشمیر اور جموں میں پھنسے ہوئے مسافر بھی اس خصوصی ٹرین کا استعمال کر سکتے ہیں۔
انتظامیہ نے کہا ہے کہ وہ تمام سیاحوں کی فلاح و بہبود کے لیے پرعزم ہے اور سب سے تعاون کرنے اور ضروری ہدایات پر عمل کرنے کی اپیل کرتی ہے۔
