امت نیوز ڈیسک //
سرینگر: حکام نے آج بتایا پہلگام حملے کے پیش نظر وادی کشمیر کے غیر محفوظ علاقوں میں واقع تقریباً 48 پبلک پارکس اور باغات کو احتیاطی تدابیر کے طور پر بند کر دیا گیا ہے۔
انہوں نے کہا کہ سیاحوں کے لیے خطرے کے تصور کے پیش نظر کشمیر کے 87 میں سے 48 پبلک پارکوں اور باغات کے گیٹ بند کر دیے گئے ہیں۔
انہوں نے کہا کہ سیکورٹی کا جائزے کا عمل جاری عمل ہے اور آنے والے دنوں میں مزید مقامات کو فہرست میں شامل کیا جا سکتا ہے۔
عہدیداروں نے کہا کہ جن سیاحتی مقامات کو بند کیا گیا ہے وہ کشمیر کے دور دراز علاقوں میں ہیں اور ان میں پچھلے 10 سالوں میں کھلے گئے کچھ نئے مقامات بھی شامل ہیں۔
سیاحوں کے لیے دوش پتھری، کوکرناگ، دوکسم، سنتھن ٹاپ، اچابل، بنگس ویلی، مارگن ٹاپ اور توس میدان شامل ہیں گرچہ حکام نے اس سلسلے میں کوئی باضابطہ حکم جاری نہیں کیا ہے تاہم ان مقامات پر داخلہ بند کر دیا گیا ہے۔جنوبی کشمیر میں کئی مغل باغات کے دروازے بند کر دیے گئے ہیں۔
