امت نیوز ڈیسک //
سری نگر، 8 مئی: شمالی کشمیر کے بارہمولہ ضلع کے اوڑئ علاقے میں گزشتہ شب سرحد پار سے ہونے والی گولہ باری میں ایک خاتون کی موت ہو گئی جبکہ دوسری زخمی ہو گئی۔
عہدیداروں نے جی این ایس کو بتایا کہ ایک گاڑی جو راجروانی سے بارہمولہ جارہی تھی موہورا کے قریب گولے کی زد میں آگئی۔
اس واقعہ میں نرگس بیگم زوجہ بشیر خان ساکن رضاوانی جاں بحق ہوگئی۔ جبکہ دوسری خاتون حفیظہ زوجہ رازق احمد خان زخمی ہوگئی۔ اسے فوری طور پر علاج کے لیے جی ایم سی بارہمولہ لے جایا گیا۔
جی ایم سی بارہمولہ کے ایک ہیلتھ اہلکار نے بھی جی این ایس کو ایک خاتون کی موت اور دوسری کے زخمی ہونے کی تصدیق کی۔
(جی این ایس )
