امت نیوز ڈیسک //
سری نگر، 9 مئی: جنوبی کشمیر کے اننت ناگ ضلع میں لارنو کے ڈکسم علاقے کے قریب جمعہ کو ایک لوڈ کیریئر (آٹو) کے حادثے کا شکار ہونے کے بعد دو افراد ہلاک جبکہ ایک زخمی ہو گیا۔
جی این ایس تک پہنچنے والی رپورٹوں میں کہا گیا ہے کہ ایک لوڈ کیریئر (آٹو) اپنا کنٹرول کھو بیٹھا اور سڑک سے پھسل گیا جس کے نتیجے میں دو افراد موقع پر ہی جاں بحق ہوگئے، جن کی شناخت مظفر احمد زرگر ولد محمد شفیع زرگر اور آصف احمد ولد بشیر ساکنان بٹ مالو سری نگر کے طور پر ہوئی ہے۔
زخمی کی شناخت عاقب احمد شیخ کے طور پر کی گئی ہے اور اسے علاج کے لیے ایس ڈی ایچ کوکرناگ منتقل کیا گیا ہے۔
ایک پولیس اہلکار نے بھی جی این ایس کو واقعے کی تصدیق کرتے ہوئے کہا کہ اس سلسلے میں ایک کیس درج کر لیا گیا ہے اور مزید تحقیقات شروع کر دی گئی ہیں۔ (جی این ایس )
