امت نیوز ڈیسک //
سری نگر، 03 جون: جموں و کشمیر حکومت نے 3 سرکاری ملازمین کو مبینہ طور پر لشکر طیبہ (ایل ای ٹی) اور حزب المجاہدین (ایچ ایم) تنظیموں کے لئے کام کرنے کے الزام میں برطرف کردیا۔
ایک اہلکار نے نیوز ایجنسی – کشمیر نیوز آبزرور کو بتایا کہ تین برطرف ملازمین، جو جیل میں ہیں، ملک اشفاق نصیر، ایک پولیس کانسٹیبل شامل ہیں۔ محکمہ سکول ایجوکیشن میں ٹیچر اعجاز احمد۔ اور وسیم احمد خان، گورنمنٹ میڈیکل کالج سری نگر میں جونیئر اسسٹنٹ،” کو نوکری سے برطرف کر دیا گیا یے۔
انہوں نے کہا کہ لیفٹیننٹ گورنر کے ذریعے برطرف کیے گئے سرکاری ملازمین ملی ٹینٹ تنظیموں کے لیے سرگرم عمل تھے اور ملی ٹینٹوں کی سیکورٹی فورسز اور شہریوں پر ملی ٹینٹ حملوں کو انجام دینے میں مدد کر رہے تھے۔
ملک اشفاق نصیر کو 2007 میں جموں و کشمیر پولیس میں بطور کانسٹیبل بھرتی کیا گیا تھا۔ اس کا بھائی ملک آصف نصیر لشکر طیبہ کا پاکستان سے تربیت یافتہ ملی ٹینٹ تھا۔ وہ 2018 میں ایک مقابلے کے دوران سیکورٹی فورسز کے ہاتھوں مارا گیا تھا۔ تاہم، ملک نے اپنی ملی ٹینٹ سرگرمیوں کو جاری رکھا اور پولیس کانسٹیبل ہونے کی وجہ سے وہ کسی بھی شبہ سے بچنے میں کامیاب رہا۔
اہلکار نے مزید کہا کہ ملک کا لشکر طیبہ کا تعلق ستمبر 2021 میں اس وقت سامنے آیا جب جموں و کشمیر پولیس جموں خطے میں اسلحہ اور دھماکہ خیز مواد کی اسمگلنگ سے متعلق ایک کیس کی تحقیقات کر رہی تھی۔ "ملک پولیس کانسٹیبل ہونے کے باوجود، جس نے ہندوستان کی سالمیت کے تحفظ کا حلف اٹھایا تھا، لشکر طیبہ کو اسلحہ، دھماکہ خیز مواد اور منشیات گرانے میں مدد فراہم کر رہا تھا۔ یہ کھیپ GPS ٹیکنالوجی کے ذریعے گائیڈ کی گئی تھی اور اسے گرا دیا گیا تھا۔“
