امت نیوز ڈیسک //
سری نگر، 9 جون: مشہور سیاحتی مقام گلمرگ علاقے میں ایک کیمپ میں ایک فوجی نے مبینہ طور پر اپنی سروس رائفل سے خود کو گولی مار کر خودکشی کر لی، حکام نے پیر کو بتایا۔
عہدیداروں نے بتایا کہ بارہمولہ ضلع کے گلمرگ میں نویں راج رائفل کیمپ کے لانس نائک بنور لال سرن نے اتوار کی رات اپنی سروس رائفل سے خود کو گولی مار لی۔
راجستھان سے تعلق رکھنے والے جوان کی موقع پر ہی موت ہو گئی، انہوں نے بتایا کہ لاش کو طبی قانونی کارروائیوں کے لیے سب ڈسٹرکٹ ہسپتال ٹنگمرگ لے جایا گیا تھا۔(پی ٹی آئی)
