امت نیوز ڈیسک //
سٹیٹ انویسٹی گیشن ایجنسی نے جموں، ڈوڈہ اور ہندوارہ میں ملی ٹنٹ فنڈنگ سے جڑے کیس میں تین مقامات پر چھاپے مارے۔
کارروائی کا مقصد کرپٹو کرنسی کے ذریعے ہونے والی سرحد پار فنڈنگ کے نیٹ ورک کو بے نقاب کرنا تھا۔ایجنسی کے مطابق، یہ فنڈنگ ملی ٹنسی کو ہوا دینے اور جموں و کشمیر میں امن و امان کو غیر مستحکم کرنے کے لیے استعمال ہو رہی تھی۔ چھاپے ایسے افراد کی شناخت کے لیے بھی کیے گئے جو نوجوانوں کو ریاست کے خلاف بھڑکا رہے ہیں۔
کارروائی ایف آئی آر کے تحت کی گئی، جس میں یو اے پی اے اور آئی پی سی کی کئی دفعات شامل ہیں۔ دورانِ تلاشی اہم شواہد اور الیکٹرانک آلات برآمد ہوئے، جو دیگر مشتبہ افراد تک پہنچنے میں مددگار ثابت ہوں گے۔
ایس آئی اے نے کہا ہے کہ وہ کرپٹو جیسے جدید ذرائع سے ہونے والی فنڈنگ کو روکنے اور ملی ٹنسی کے نیٹ ورکس کو ختم کرنے کے لیے پُرعزم ہے۔
