امت نیوز ڈیسک //
جموں، 25 جولائی : پونچھ ضلع کے کرشنا گھاٹی سیکٹر میں ایک بارودی سرنگ کے دھماکے میں ایک اگنی ویر جان بحق جبکہ دو دیگر زخمی ہو گئے، حکام نے جمعہ کو بتایا۔
ایک اہلکار نے کشمیر نیوز آبزرور کو بتایا کہ یہ واقعہ اس وقت پیش آیا جب فوج کی ایک ٹیم اپنی فارورڈ پوسٹ کے قریب معمول کے گشت پر تھی۔
انہوں نے کہا کہ گشت کے دوران اہلکار غلطی سے ایک بارودی سرنگ پر قدم رکھ بیٹھے، جس کے نتیجے میں ایک فوجی جاں بحق جبکہ دو دیگر زخمی ہو گئے۔
دریں اثنا، آرمی کی وائٹ نائٹ کور نے جاں بحق فوجی کو خراج عقیدت پیش کیا۔
