امت نیوز ڈیسک //
سری نگر، 16 اگست: شمالی کشمیر کے کپوارہ ضلع کے سوگام علاقے میں ہفتہ کی دوپہر ایک 45 سالہ شخص کنویں میں گر جانے کے بعد اپنی جان سے ہاتھ دھو بیٹھا۔
افسران نے نیوز ایجنسی کشمیر نیوز کارنر کو بتایا کہ یہ واقعہ سوگام کے لسی پورہ گاؤں میں اس وقت پیش آیا جب دو افراد کنواں صاف کرتے ہوئے پھسل کر اس میں جا گرے۔
افسران نے کہا کہ “ان میں سے ایک کی شناخت پرویز احمد صوفی (20) کے طور پر ہوئی، جسے وقت پر بچا لیا گیا، جبکہ دوسرے، عبدالرشید صوفی (45) ساکن دارم واری، کنویں میں پھنس گئے اور جانبر نہ ہو سکے،“۔
پولیس، ایس ڈی آر ایف اور مقامی رضاکاروں نے ریسکیو آپریشن شروع کیا جس کے بعد لاش کو باہر نکالا گیا۔
حکام نے واقعے کا سنجیدہ نوٹس لیتے ہوئے تحقیقات شروع کر دی ہیں۔
