امت نیوز ڈیسک //
نئی دہلی، 9 ستمبر – ملک کے نائب صدر کے عہدے کے لیے آج پارلیمنٹ میں ووٹنگ ہو رہی ہے۔ پولنگ صبح 10 بجے شروع ہوئی جو شام 5 بجے تک جاری رہے گی، جبکہ ووٹوں کی گنتی شام 6 بجے کے بعد ہوگی۔
این ڈی اے کی جانب سے سابق گورنر سی پی رادھا کرشنن اور اپوزیشن اتحاد "انڈیا بلاک” کی طرف سے سابق جج بی. سُدرشن ریڈی امیدوار ہیں۔
پارلیمنٹ میں اکثریت کے باعث این ڈی اے امیدوار کو برتری حاصل ہے، تاہم اپوزیشن نے بھی متحد ہو کر اپنے ووٹ یقینی بنانے کے لیے تیاری کی ہے۔ نئے نائب صدر کے نام کا اعلان آج شام متوقع ہے۔
