امت نیوز ڈیسک //
ہندوارہ، 24 نومبر:نوگام گاؤں ہندوارہ میں ایک ہی خاندان کے بارہ افراد رات کے وقت بے ہوش ہو گئے، جس کی وجہ مبینہ طور پر فوڈ پوائزننگ بتائی جا رہی ہے۔
حکام کے مطابق تمام متاثرین کو ابتدائی طبی امداد کے لیے این ٹی پی ایچ سی منتقل کیا گیا، جہاں سے انہیں مزید علاج کے لیے جی ایم سی ہندوارہ ریفر کیا گیا۔
سرکاری ذرائع نے بتایا کہ تمام 12 افراد کی حالت اب مستحکم ہے اور انہیں ضروری طبی سہولیات فراہم کی جا رہی ہیں۔
