امت نیوز ڈیسک //
سری نگر، 28 دسمبر: سائبر پولیس سری نگر نے راجباغ علاقے میں ایک چھاپہ مار کارروائی انجام دی، جس کے دوران پولیس نے اہم دستاویزات اور الیکٹرانک آلات برآمد کیے۔ حکام نے اتوار کے روز اس کارروائی کی تصدیق کی۔
پولیس کے ایک افسر نے (کے این سی) کو بتایا کہ چھاپے کے دوران دفتر سے متعلقہ دستاویزات اور الیکٹرانک ساز و سامان ضبط کیا گیا۔ اس کارروائی کے سلسلے میں سائبر پولیس اسٹیشن سری نگر میں ایف آئی آر نمبر 20/2025 درج کی گئی ہے، جو انفارمیشن ٹیکنالوجی ایکٹ کی دفعہ 66(ڈی) اور بھارتیہ نیائے سنہیتا (بی این ایس) کی دفعہ 112 کے تحت ہے۔
پولیس نے اس معاملے میں دو افراد کو حراست میں لیا ہے، جن کی شناخت ظفر احمد میر ساکنہ آرام واری، راجباغ، سری نگر، اور سدھیپ، اصل باشندہ نیپال، جو اس وقت آرام واری، راجباغ میں کرایہ پر مقیم ہے، کے طور پر کی گئی ہے۔
پولیس کے مطابق معاملے کی مزید تفتیش جاری ہے۔ — (کے این سی)
