امت نیوز ڈیسک //
نئی دہلی : بھارت نے وینزویلا میں حالیہ پیش رفت پر گہری تشویش کا اظہار کرتے ہوئے کہا ہے کہ وہ وہاں کی بدلتی ہوئی صورتحال پر مسلسل نظر رکھے ہوئے ہے۔
وزارتِ خارجہ کی جانب سے جاری پریس ریلیز میں کہا گیا کہ بھارت وینزویلا کے عوام کی سلامتی اور فلاح و بہبود کی بھرپور حمایت کرتا ہے۔ بیان میں تمام متعلقہ فریقین سے اپیل کی گئی ہے کہ مسائل کو بات چیت اور پُرامن طریقے سے حل کیا جائے تاکہ خطے میں امن اور استحکام برقرار رہے۔
وزارتِ خارجہ کے مطابق کاراکاس میں بھارتی سفارت خانہ وینزویلا میں مقیم بھارتی برادری کے ارکان سے رابطے میں ہے اور انہیں ہر ممکن مدد فراہم کرتا رہے گا۔
بھارت نے واضح کیا ہے کہ وہ صورتحال پر گہری نظر رکھے ہوئے ہے اور اپنے شہریوں کی سلامتی کو اولین ترجیح دے رہا ہے۔
