امت نیوز ڈیسک //
کشتواڑ، 22 فروری : ضلع کشتواڑ کے چاترو علاقے میں اتوار کے روز سکیورٹی فورسز اور ملٹنٹس کے درمیان انکاؤنٹر شروع ہوگیا، حکام نے بتایا۔
ایک سرکاری عہدیدار نے نیوز ایجنسی کشمیر نیوز آبزرور (کے این او) کو بتایا کہ خفیہ اطلاع ملنے کے بعد فوج اور جموں و کشمیر پولیس کی مشترکہ ٹیم نے علاقے میں محاصرہ اور تلاشی کی کارروائی (کارڈن اینڈ سرچ آپریشن) شروع کی۔
حکام کے مطابق جیسے ہی فورسز مشتبہ ٹھکانے کے قریب پہنچیں، وہاں موجود ملٹنٹس نے فائرنگ شروع کر دی، جس کے بعد دونوں جانب سے فائرنگ کا تبادلہ شروع ہوگیا۔
علاقے کو مکمل طور پر گھیرے میں لے لیا گیا ہے اور اضافی نفری بھی طلب کر لی گئی ہے۔ رپورٹ فائل کیے جانے تک فائرنگ کا سلسلہ جاری تھا۔ (کے این او)
