امت نیوز ڈیسک //
امریکی صدر ڈونلڈ ٹرمپ نے اپنے سوشل میڈیا پلیٹ فارم ’ٹروتھ سوشل‘ پر ایک سخت بیان جاری کیا ہے، جس میں انھوں نے ایران کو آبنائے ہرمز کو نہ کھولنے پر سنگین نتائج کی دھمکی دی ہے۔
ٹرمپ نے کہا کہ اگر ایران نے اس اہم تجارتی راستے کو نہ کھولا تو شہری تنصیبات کو نشانہ بنایا جائے گا اور ایران ’پر قیامت ٹوٹ پڑے گی۔‘
یہ بیان اس 48 گھنٹے کی مہلت کے مکمل ہونے سے قبل سامنے آیا ہے جو ٹرمپ نے خود تہران کے لیے مقرر کی ہے، جس کے مطابق پیر تک آبنائے ہرمز کو دوبارہ کھولا جانا چاہیے۔
واضح رہے کہ یہ اہم آبی تجارتی گُزر گار فروری کے آخر میں جنگ شروع ہونے کے بعد سے بند ہے۔
ٹرمپ نے اپنے بیان میں کہا کہ ’منگل ایران کے لیے پاور پلانٹ ڈے اور برج ڈے ہوگا۔ اگر آبنائے ہرمز نہ کھولی گئی تو تم جہنم میں دھکیل دیے جاؤ گے، بس دیکھتے جاؤ۔
