امت نیوز ڈیسک //
سرینگر: سرینگر کے لال بازار علاقے میں جمعہ کے روز ایک 36 سالہ خاتون اپنے گھر میں پراسرار حالات میں مردہ پائی گئی۔
اطلاعات کے مطابق خاتون، جو لال بازار کی رہائشی تھیں، اپنے گھر کے ایک کمرے میں پھندے سے لٹکی ہوئی پائی گئیں۔ اہلِ خانہ نے فوری طور پر انہیں علاج کے لیے شیرِ کشمیر انسٹی ٹیوٹ آف میڈیکل سائنسز (اسکمز) منتقل کیا۔
تاہم، اسپتال میں موجود ڈاکٹروں نے خاتون کو مردہ قرار دے دیا۔
پولیس نے واقعے کا نوٹس لیتے ہوئے قانونی کارروائی شروع کر دی ہے اور موت کے اصل اسباب و حالات جاننے کے لیے تحقیقات جاری ہیں۔
