ہم بھکاری نہیں، اپنا حق مانگ رہے ہیں: ڈاکٹر فاروق عبداللہ

امت نیوز ڈیسک //
سری نگر، 11 جولائی: نیشنل کانفرنس کے صدر ڈاکٹر فاروق عبداللہ نے ہفتہ کے روز درگاہ حضرت بل میں خطاب کرتے ہوئے کہا کہ جموں و کشمیر کے لوگ بھکاری نہیں بلکہ اپنا آئینی اور جمہوری حق مانگ رہے ہیں۔

انہوں نے الزام لگایا کہ مرکز کی مختلف حکومتوں نے برسوں سے جموں و کشمیر سے کیے گئے وعدے پورے نہیں کیے۔ ان کا کہنا تھا کہ دہلی اور کشمیر کے درمیان اعتماد کی فضا قائم کرنے کے دعوے کیے گئے، لیکن وقت گزرنے کے ساتھ یہ دوریاں مزید بڑھتی گئیں۔

ڈاکٹر فاروق عبداللہ نے اپنے سیاسی مخالفین کو بھی تنقید کا نشانہ بناتے ہوئے کہا کہ کچھ لوگ دہلی کے اشاروں پر سیاست کر رہے ہیں، جبکہ نیشنل کانفرنس ہمیشہ عوام کے حقوق کے لیے کھڑی رہی ہے۔

انہوں نے کہا کہ نیشنل کانفرنس خیرات نہیں مانگ رہی بلکہ جموں و کشمیر کے عوام کا جائز حق واپس دینے کا مطالبہ کر رہی ہے۔