امت نیوز ڈیسک //
سرینگر، 21 جولائی: ضلع ڈوڈہ کے رگی نالہ اور جاتی گنیکا علاقوں میں پتھر گرنے کے دو الگ الگ حادثات میں تین افراد جاں بحق جبکہ چھ دیگر زخمی ہوگئے۔
وزیر اعلیٰ عمر عبداللہ نے اس سانحے پر گہرے رنج و غم کا اظہار کرتے ہوئے متعلقہ حکام کو ہدایت دی کہ زخمیوں کو فوری اور بہترین طبی سہولیات فراہم کی جائیں۔
انہوں نے مال پتھر دھار علاقے میں آسمانی بجلی گرنے سے مویشیوں کے نقصان پر بھی افسوس کا اظہار کیا اور متاثرہ خاندانوں سے تعزیت و ہمدردی کا اظہار کیا۔
