امت نیوز ڈیسک//
08 نومبر: کپواڑہ ضلع کے ہندواڑہ قصبے کے وتائین علاقے میں منگل کو ایک گاڑی کے حادثے کا شکار ہونے سے کم از کم 20 افراد زخمی ہوگئے۔
ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ وتائن کے قریب ایک بس اس وقت پلٹ گئی جب وہ سری نگر جا رہی تھی۔ ان کا کہنا تھا کہ کم از کم 20 افراد زخمی ہوئے ہیں جنہیں علاج کے لیے قریبی اسپتال منتقل کیا گیا ہے۔
اہلکار نے مزید کہا کہ 20 زخمیوں میں سے 14 کو بعد میں ضلع اسپتال ہندواڑہ ریفر کیا گیا۔
